August Club - Kathorthuvo jalakam

 PLAY THIS SONG

കാതോർത്തുവോ ജാലകം

ആ രാവിലെ മന്ത്രണം....

കാതോർത്തുവോ ജാലകം

ആ രാവിലെ മന്ത്രണം....

എന്തിനോ....

ആകാശമോർക്കുന്നു മഴയുടെ ഒരു വരി

തൂമഞ്ഞു ചൊല്ലുന്നു തരളമാം മൃദു മൊഴി..

പൊയ്പ്പോയ കാലത്തിൻ ഗാനാലാപനം

കാതോർത്തുവോ ജാലകം

ആ രാവിലെ മന്ത്രണം..

ദൂരേ വിജനമൊരു കോണിൽ

ഒരു നീർ മാതളം പൂത്ത പോൽ നീ...

ഏതോ വിവശകരമേകീ

വേരോളവും കുളിരോടെ...

ഋതുഭേദങ്ങൾ സുഗന്ധം കൈയിലേന്തി

ആദ്യാനുരാഗത്തിൽ ഇരവുകൾ പകലുകൾ

ആപാദമലിയുമ്പോൾ മധുരമാം മറവിയായ്....

ഏകാന്തയാമങ്ങൾ നിദ്രാവിഹീനമായ്

കാതോർത്തുവോ ജാലകം

ആ രാവിലെ മന്ത്രണം....

വാനിൽ സുരഭിലമൊരു തേരിൽ

ഒരു ചന്ദ്രോദയം വന്ന പോൽ നീ

കാറ്റിൽ കുറുനിരകൾ പാറി...

ഒരു വാടാമലർ ചൂടിയാടി...

അനുരാഗത്തിൻ മരന്ദം നെഞ്ചിലേന്തി

കാണാതിരുന്നപ്പോൾ എരിയുമീ വേനലായ്‌

ഓർക്കാതിരുന്നപ്പോൾ മഴമുകിൽപ്പീലിയായ്

ഈറൻ ദിനാന്തത്തിൽ ആശാമേഘമായ്...

കാതോർത്തുവോ ജാലകം

ആ രാവിലെ മന്ത്രണം....