ആയിരം താരദീപങ്ങളായി | Aayiram Thara Deepangal Lyrics | Star Malayalam Movie Songs Lyrics

 

ആയിരം താരദീപങ്ങളായി 

രാവൊരുങ്ങുന്ന തൃക്കാർത്തിക

കസവിൻ ഇഴകൾ  ഞൊറിയും മുകിലേ 

കളികൾ പറയൂ

കൊലുസ്സിൻ കിലുകിൽ ചുവടിൽ 

ഉണരും ഒരു തിരുവാതിര

ആയിരം താരദീപങ്ങളായി

രാവൊരുങ്ങുന്ന തൃക്കാർത്തിക

നീലാഞ്ജനം കണ്ണിൽ 

ചൂടുന്ന രാവേ നിൻ 

ആഴങ്ങളിൽ എന്തേ ചെറുനൊമ്പരം

തൂവൽവിരൽ മീട്ടും 

വീണാവിനോദം പോൽ 

ഈറൻ നിലാവിന്റെ മധുമന്ത്രണം

നാടൻ പഴമ്പാട്ടിനീണങ്ങളായ് 

ഏതോ കഥക്കൂട്ടു ചായങ്ങളായ്

ഇരവിൻ വഴിയിൽ നിറയും

അകിലിൻ മണവും ഉയരും അഴകെഴും

ആയിരം താരദീപങ്ങളായി 

രാവൊരുങ്ങുന്ന തൃക്കാർത്തിക

മുത്തശ്ശി മാവോതും നാവേറുതോറ്റങ്ങൾ 

ഉൾപ്പൂവിലാവോളം പെയ്തലിഞ്ഞു

നാഗക്കളം കേറി ആടുന്ന കാറ്റിന്റെ 

ഓർമ്മക്കരിക്കൂന്തൽ കെട്ടഴിഞ്ഞു

നെഞ്ചിൻ മിടിപ്പൊന്നു കൂടുന്നുവോ 

പുള്ളോർക്കുടം പോലെ തോന്നുന്നുവോ 

മലരും മനവും വിടരും 

പൊരുളും കനവും തളരും 

സമയമിതായിരം താരദീപങ്ങളായി 

രാവൊരുങ്ങുന്ന തൃക്കാർത്തിക 

കസവിൻ ഇഴകൾ  ഞൊറിയും മുകിലേ 

കളികൾ പറയൂ

കൊലുസ്സിൻ കിലുകിൽ 

ചുവടിൽ ഉണരും ഒരു തിരുവാതിര

LYRICS IN ENGLISH