Thiramaalayanu Nee Lyrics | തിരമാലയാണു നീ | Viddikalude Mashu Movie Songs Lyrics


 
തിരമാലയാണു നീ
കടലായ ഞാന്‍ നിന്നെ
തിരയുന്നതെത്രമേല്‍ അര്‍ത്ഥശൂന്യം
മുകിലാണ് ഞാനതിന്‍
മഴയായ നിന്നില്‍ ഞാന്‍
തിരയുന്നതിന്നേതൊരാത്മബന്ധം

നിഴലിനെ രൂപത്തില്‍ 
നിന്നുമടര്‍ത്തുവാന്‍
നിശയെ നിലാവില്‍ 
നിന്നിഴപിരിയ്ക്കാന്‍
ഒരു പനിനീര്‍പൂവിന്നിതളുകളില്‍ നിന്നു
പരിമളം മാത്രമായ് വേര്‍പെടുത്താന്‍
കഴിയുകയില്ലെന്നു നാമറിയുന്നു
നമ്മുടെ ശ്വസനങ്ങള്‍
ശ്രുതി ചേര്‍ന്നിരിക്കയല്ലേ

ഇലയുടെ സിരകളായ് നമ്മള്‍ വായിച്ചത്
പിണയുന്ന വേരിന്റെ വരികളല്ലേ
വിടരുന്ന പൂക്കളായ് നമ്മളറിഞ്ഞതീ
വഴികളില്‍ വിതറിയ ചിരികളല്ലേ
തുഴയായി നീയിനിയില്ലാത്ത തോണി ഞാന്‍
കരയിലേക്കിനിയുമുണ്ടെത്ര ദൂരം

തിരമാലയാണു നീ
കടലായ ഞാന്‍ നിന്നെ
തിരയുന്നതെത്രമേല്‍ അര്‍ത്ഥശൂന്യം
മുകിലാണ് ഞാനതിന്‍
മഴയായ നിന്നില്‍ ഞാന്‍
തിരയുന്നതിന്നേതൊരാത്മബന്ധം

LYRICS IN ENGLISH

No comments

Spotted A Mistake? Notice Any Mistakes In These Lyrics? Please Post The Correct Version In The Comments So We Can Update Them. Thank You For Your Help!

Theme images by imacon. Powered by Blogger.